ប្រជាពលរដ្ឋខ្មែរ មានចំនួន​ប្រមាណ ៩៥ ភាគរយ ដែលមានជំនឿជឿជាក់ចំពោះព្រះពុទ្ធសាសនា ហើយ​នាំគ្នាគោរ​ពប្រតិបត្តិ​កាន់តាមឪវាទ ឬពាក្យ​ប្រ​ដៅ នៃព្រះពុទ្ធជាម្ចាស់ តាំង​ពីច្រើន​សតវត្សរ៍មក​ហើយ។
ប្រជាពលរដ្ឋខ្មែរ ដែល​មាន​ជំនឿចំពោះព្រះ​ពុទ្ធ​សា​សនានោះ បើពោលដោយ​​សង្ខេប គឺមានជំនឿ​ថា ព្រះពុទ្ធសាសនា ជាសាសនាប្រកប​ដោយ​ហេតុ​ផល ជាសាសនា​ប្រកាស​នូវសេចក្តីពិត ជាសាស​នា​​ប្រាប់ឲ្យ​លះ​បង់សេចក្តី​អាក្រក់ ឲ្យធ្វើ​អំពើ​ល្អ ជា​សាសនា​ដឹក​នាំសត្តនិករ​​ឲ្យងាកចេញ​ពីផ្លូវខុស ឲ្យ​ដើរ​ទៅរក​ផ្លូវត្រូវ ជា​សាសនា​​​ជួយសត្វ​លោក ឲ្យ​ស្គាល់​ម​ធ្យោបាយ​ដោះខ្លួន ឲ្យ​រួច​ផុត​ពីទុក្ខ ឲ្យ​បាន​សម្រេច​ដល់​នូវ​សេចក្តីសុខក្សេមក្សាន្ត ។